90 ára starvsdagur á Býarbókasavninum

Týsmorgunin var hátíðarhald á Býarbókasavninum í Havn í sambandi við rundum starvsdegi á bókasavninum.

Trý starvsfólk høvdu nevniliga arbeitt á stovninum í tilsamans 90 ár, skrivar Býarbókasavnið á Facebook.

Talan var um Johanna Cathrina Mørkøre, bókavørður, sum hevur starvast á Býarbóksavninum í 45 ár, Malan Hilmarsdóttir, sum hevur starvast sum barnabókavørður í 35 ár, og Gunnvá Vang, sum hevur arbeitt sum skrivstovufólk á Býarbókasavninum í 10 ár.

Dagurin varð hátíðarhildin saman við starvsfeløgum.