Ákæruvaldið sleppur ikki ákærum sínum í umfatandi málinum móti Bakkafrost.
Í tíðindaskrivi í dag sigur ákæruvaldið, at avgerð er tikin um at kæra úrskurðin hjá Føroya rætti til landsrættin.
Tað var í apríl í ár, at Bakkafrost varð ákært fyri brot á flutningskunngerðina. Sambært ákæruvaldinum hevur Bakkafrost siglt millum aliøki uttan loyvi frá Heilsufrøðiligu starvsstovuni.
3. november kom Føroya Rættur við niðurstøðuni, at málið var fyrnt. Eftir niðurstæðuna í rættinum fekk ákæruvaldið 14 dagar at taka støðu til kæruspurningin. Og í dag komu boðini um at kæruspurningurin verður kærdur.
Tað er landsrætturin, sum avger, nær málið verður viðgjørt, og hvørt tað verður viðgjørt á einum rættarfundi ella á skrivligum grundarlag.
Vinarliga broyt tínar kennifíla - og privatlívsstillingar fyri at síggja hetta innihald