Áleið 50 hvalir lagt beinini í Syðrugøtu

- Tað var eitt eygablikk, so var alt dripið, sigur Karl Johansen, sýslumaður, um grindina, sum fyri løtu síðani legði beinini í Syðrugøtu.

Tá avtornaði vóru seks bátar við í drápinum, og nógv fólk vóru á sandinum, verður upplýst. Mett verður at tað vóru áleið 50 hvalir, sum løgdu beinini.

Nú verða hvalirnir sleipaðir á keiina í Norðagøtu, har merkt verður.

Karl Johansen, sýslumaður, veit ikki í løtuni um seðlarnir koma út í kvøld ella í morgin. Vit venda aftur við hesum seinni í kvøld.