Innanlands

Almannaverkið fer at leiga bygning hjá Christian í Grótinum

Bygningurin, har NEMA hevur húsast í Klaksvík, skal nýtast sum depil hjá Almannaverkinum til 15 fólk við seinheilaskaða, skrivar Kringvarpið. Hann verður til reiðar síðst næsta ár ella tíðliga í 2023

Edvard Heen, stjóri í Almannaverkinum, metur, at talan er eina munandi skjótari og bíligari loysn, enn um tað almenna byggir (Mynd: Sverri Egholm)

Edvard Heen, stjóri í Almannaverkinum, metur, at talan er eina munandi skjótari og bíligari loysn, enn um tað almenna byggir (Mynd: Sverri Egholm)

2021-08-26 17:11 Author image
Agnar Prestá
placeholder

Í juni keypti Christian í Grótinum bygningin á Stangavegnum, heilt har norðuri í Klaksvík, har Nema leingi hevur húsast.

Tað var ógreitt, hvat reiðaríðið fór at brúka bygningin til, men í dag ber Kringvarpið tíðindini um, at hann nú verður settur í stand, so at Almannaverkið kann nýta bygningin til fólk við seinheilaskaða.

Pláss verður fyri 15 fólkum - Almannaverkið fer at leiga bygningin frá, skrivar kvf.fo, ið leggur afturat, at bygningurin eftir ætlan skal verða liðugur at flyta í seinast í 2022 ella fyrst í 2023.


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder