Alment tiltak um tilgjørt vit og útbúgving í Føroyum

Mikudagin 11. oktober skipar Fróðskaparsetur Føroya fyri almennum tiltaki um tilgjørt vit. Tiltakið verður í Kongshøll í Sjóvinnuhúsinum á Vestaru Bryggju í Havn frá klokkan 13 til 16.

– Menningin av tilgjørdum viti gongur við rúkandi ferð, og hetta broytir og fer at broyta undirvísing og teir førleikar, sum børnum, ungum og vaksnum tørvar nú og í komandi tíðum. Tøknin hevur og fer at hava stóra ávirkan á okkum øll, og hvussu vit læra, arbeiða og samskifta, og hetta krevur nýhugsan um, hvussu vit búgva børn, ung og vaksin út til nýggju fortreytirnar.

– Í hesum sambandi bjóðar Fróðskaparsetur Føroya til alment tiltak í Kongshøll, har vit seta tilgjørt vit og útbúgving á breddan, skrivar Setrið.

Á skránni eru framløgur, og síðani verður orðaskifti undir leiðslu av Martini Tvede Zachariasen, rektara á Setrinum.

Skráin fyri tiltakið sæst her.