Altjóða sálarheilsudagur er í dag

Í dag, 10. oktober, er altjóða sálarheilsudagur.

Fyrstu ferð skipað varð fyri hesum degi var í 1992, og seinastu árini hevur hann eisini verið hátíðarhildin í Føroyum.

Í dag hátíðarheldur Sinnisbati  altjóða sálarheilsudagin við stórum tiltaki í Reinsarínum og í Perluni í Havn.

Evnið fyri Altjóða Sálarheilsudagin í ár er “Sálarheilsa í einum ójøvnum heimi”, og ber innihaldið í tiltakinum tí eisini brá av hesum.

Skráin er fjørbroytt, og sæst hon her. M.a. verður skipað fyri ókeypis filmsýning í Perluni í kvøld klokkan 19. Tá verður svenski filmurin "Psykos i Stockholm" frá 2020 á skránni. Maria Bäck, rithøvundur og leikstjóri, innleiðir filmin umvegis Zoom.

Hóast sýningin er ókeypis, er tilmelding neyðug, vegna avmarkað pláss.