Amerikansk kavbátavitjan í dag

Aftur í dag fáa Føroyar vitjan av stórum kjarnorkuriknum amerikanskum kavbáti. Uttanríkis- og vinnumálaráðið boðar í dag frá, at USS South Dakota kemur í Nólsoyarfjørð í dag.

Talan er um stuttan steðg í sambandi við manningarskifti. USS South Dakota er kjarnorkurikin og hevur diplomatiskt loyvi at koma í føroyskt sjóumveldi.

Arbeiðs- og brunaeftirlitið skipar kjarnorkuyvirvøku og onnur tilbúgvingaratlit í sambandi við vitjanina. Tjaldrið fylgir kavbátinum, meðan hann siglir í føroyskum sjóumveldi, skrivar uvmr.fo