Arbeiðsóhapp á Strondum

Fyri løtu síðani var eitt arbeiðsóhapp á Strondum.

Sum skilst var talan um ein persón, sum fekk okkurt í høvdið, tá hann arbeiddi við eini hús, og løgregla og sjúkrabilur vórðu send á staðið.

Hvussu støðan er hjá persóninum veit løgreglan ikki at siga, men vaktleiðarin upplýsir, at viðkomandi var við vit, tá hann fór í sjúkrabilin.

Um talan var um privat ella vinnuligt arbeiði er ikki greitt, men Arbeiðseftirlitið er kunnað, verður sagt.