Arbeiðsóhapp í Runavík

Beint eftir klokkan 16 í gjár varð boðað frá einum arbeiðsóhappi í Runavík.

Ein maður datt og fekk álvarsligan skaða, tá byggipallurin, hann stóð á koppaði.

Løgregla og sjúkrabilur vórðu send á staðið, og tað var Arbeiðseftirlitið eisini, sigur vaktleiðarin á løgreglustøðini í Havn.

Støðan var so mikið álvarsom, at maðurin varð fluttur til Danmarkar til nærri viðgerð, sigur vaktleiðarin á løgreglustøðini í Havn.