Arbeiðsvanlukka kravdi mannalív

Ein syrgilig arbeiðsvanlukka í goymsluni hjá PM Heilsølu hevur kravt eitt mannalív.

Vanlukkan hendi í gjárkvøldið, tá 42 ára gamli maðurin var einsamallur til arbeiðis. Ein bilstjóri, sum seinni kom á staðið varnaðist vanlukkuna, har ein goymslumaður var kleimdur millum ein trukk og eina hill í goymsluhøllini. Hetta hevur stjórin á PM Heilsølu váttað fyri Kringvarpinum.

Eftir mannin sita kona og trý smá børn.

PM heilsølan hevur stongt í dag.