Arbeiðsvanlukka kravt eitt mannalív

Seinnapartin í dag hendi ein syrgilig arbeiðsvanlukka í haganum nærhendis Selatrað.

Hesum boðar Sev frá á heimasíðuni.

Meðan arbeitt varð uppi í einum elsteyra, datt ein av monnunum niður úr steyranum.

Maðurin varð fluttur á Landssjúkrahúsið við tyrlu men doyði tíverri av løstunum.  

Til ber ikki at siga nakað um orsøkina til hendingina, fyrrenn nærri kanningar eru gjørdar, upplýsir Sev.

Familjan hevur fingið boð.