Árni Andreasen á Føroya størsta jólaborðhaldi

Árni Andreasen átti ársins útvarpshitt í 2023, "Tá eg sá teg". Nú er greitt, at fólkakæri hittmakarin verður við á Føroya Størsta Jólaborðhaldi við Tjarnir. 

Um tað var í Black Birds, Juliannu Boys ella sum partur av duo'ini Marner og Árni, so hevur Árni Andreasen megna at hildið seg viðkomandi fyri dansiglaðar føroyingar í yvir 50 ár. Tí var eingin ivi um, at hann skuldi við, tá ársins veitsla verður við Tjarnir 29. november. 

Frammanundan er kunngjørt, at RSP og Niclas Heri í Dynamit eisini fara at framføra til jólaborðhaldið.

Longu nú eru meira enn helvtin av atgongumerkjunum seld, siga fyriskipararnir.