Atlantic Airways kosið besta leiguflogfelag

Atlantic Airways er kosið besta leiguflogfelag á Danish Travel Awards.

- Í altjóða høpi eru vit eitt lítið flogfelag, men vit hava stóra ábyrgd og eina týdningarmikla uppgávu, skrivar flogfelagið.

Flogfelagið sigur, at tað at reka eitt flogfelag við heimstaði í Føroyum krevur bæði vitan og royndir, men fyrst og fremst framfýsin og dugnalig starvsfólk, sum hvønn dag gera sítt besta.

- Uttan okkara dugnaligu starvsfólk, ongin virðisløn, skrivar Atlantic Airways.

Atlantsflog hevur fýra Airbus-flogfør og tvær tyrlur.