Innanlands

Avgerð um nýtt navn til Tórshavnar Kvøldskúla útsett

Tá freistin at senda inn uppskot til nýtt navn var farin, høvdu 93 fólk sent tilsamans fleiri enn 200 uppskot inn – Avgerðin um navnið verður tó fyrst tikin í heyst

Mynd: Tórshavnar kommuna

Mynd: Tórshavnar kommuna

2020-07-10 18:20 Author image
Alda Nielsdóttir
placeholder

Mentamálanevnd Tórshavnar Býráðs samtykti tíðliga í vár at skriva út navnakapping um nýtt navn til Tórshavnar Kvøldskúla. Freistin at senda uppskot inn til navnakappingina var 3. apríl klokkan 12.

Tá freistin var farin, høvdu 93 fólk latið uppskot inn. Nøkur sendu eisini fleiri uppskot inn, og samanlagt eru yvir 200 uppskot komin, sigur Tórshavnar kommuna.

Ein dómsnevnd við umboðum fyri Tórshavnar Kvøldskúla og umsitingina í Tórshavnar kommunu hevur mett um uppskotini og gjørt tilmæli til Mentamálanevndina at taka støðu til.

Mentamálanevndin hevur umrøtt málið, men nevndin hevur útsett avgerðina um navnið til í heyst, sigur kommunan.

Sostatt varðveitir kvøldskúlin navnið Tórshavnar Kvøldskúli eina tíð afturat.

placeholder
placeholder