Avtala undirskrivað um kirkjugarðin í Elduvík

Í vikuni varð avtala undirskrivað um at víðka kirkjugarðin í Elduvík.

Tað vóru Jákup Martin Kjeld og Tórbjørn Jacobsen, sum skrivaðu undir fyri ávikavist Spf. Rókina og Runavíkar kommunu.

Allan Norðgerð, sum starvast á Teknisku deild hjá kommununi, hevur fyrireikað málið, og ætlandi verður kirkjugarðurin víðkaður norðureftir við 30 gravum, skrivar Runavíkar kommuna.

Sáttmálin varð undirritaður í skúlanum í Elduvík, og Rókin er nú farin undir arbeiðið.