Bara tvey innløgd av koronu

Tað gongur í løtuni rætta vegin við innleggingum á Sjúkrahúsverkinum. Talið á innløgdum av koronu er komið niður á tvey eftir at hava verið støðugt á fimm í nakrar dagar.

Umframt tað eru tvey fólk innløgd av aðrari orsøk, men við koronu.

636 nýggir koronutilburðir vórðu staðfestir í gjár. Hetta er nakað færri enn teir 729 tilburðir sum vórðu staðfestir í kanningunum mánadagin.

269 eru staðfest frísk aftur síðani seinastu dagføring. Í løtuni eru 3369 positiv við koronu.

3843 kanningar vórðu gjørdar í gjár.