Tíðindaskriv
Nú kunnu barnakonur í Føroyum fáa ókeypis koppseting fyri RS-virus. RS-virus er ein smitta í andaleiðini, og hevur aloftast við sær mild sjúkutekin eins og krím. Í nøkrum førum kann RS-virus elva til álvarsliga sjúku, serliga hjá pinkubørnum.
Tá ið barnakonur eru koppsettar, verða andevni førd víðari til barnið. Soleiðis verður barnið vart móti sjúkuni fyrstu mánaðirnar eftir føðing, tá ið barnið er serliga viðbrekið.
Barnakonur kunnu fáa ókeypis koppsetingina fram til 31. januar 2026. Koppsetingin verður vanliga gjørd hjá kommunulæknanum í viku 32 av viðgongutíðini.
Endamálið er at verja minstu børnini, serliga um veturin, tá RS-virus oftast ger um seg. Mælt verður til, at allar barnakonur taka av tilboðnum.
Meira kunning um koppseting fyri RS-virus fæst við at venda sær til egnan kommunulækna.
Tíðindaskriv frá Heilsustýrinum
Vinarliga broyt tínar kennifíla - og privatlívsstillingar fyri at síggja hetta innihald