Barnasjónvarp í KVF hvønn morgun

Nú, tá ið øll eru heima, fara vit at senda barnasjónvarp, hvønn morgun frá kl. 9.00-11.00. Vit fara at leita í fjøltáttaða savnið hjá KVF.

Hesum boðar Kringvarpið frá í kvøld.

Lagt verður fyri við vælkendu Mumitrøllunum, og síðani er tað Snipp snapp, har børn eru vertir og vísa teknifilmar.

- Á Netflix er røðin Lazy Town, men í okkara savni eitur røðin Letibygd, tey tosa føroyskt og hon verður at síggja, hvønn morgun í barnasjónvarpinum. Røðin um Heidi og fjallaabban er sera væl umtókt og hon verður eisini á skrá, hvønn morgun, sigur Kringvarpið.

Søgurnar hjá Astrid Lindgren eru fleiri í tali, og í savninum eiga vit fleiri søgur, sum hon hevur skrivað. Ein av teimum kendastu er Emil í Lønnebergi og saman við honum, keðir tú teg ongantíð.

Føroyskt barnasjónvarp, hvønn morgun, hvønn seinnapart og hvørt kvøld.

Tey sum hava hug at sova leingi, fáa møguleikan at síggja barnasjónvarpið umaftur seinnapartin, verður lagt afturat.