Alda Nielsdóttir
Móttøkan, sum Sandavágs Bygdarsavn/Sandavágs Fornminnafelag skipar fyri í sambandi við, at bátur smíðaður á Steig í Sandavági, sum skuldi vera leygardagin 1. juli, er flutt til sunnudagin 2. juli.
– Vegna vánalig veðurlíkindi leygardagin 1. juli, verður hátíðarhaldið flutt til sunnudagin 2. juli 2023 klokkan 16.
Báturin verður smíðaður frá 1. juli til 15. september, tó verður steðgur í í viku 30, um ólavsøkumundið. Smíðað verður á fløtuni millum húsini Hergeiri Christiansen og húsini hjá Sandavágs Bygdarsavni/Suðuroyar-Dánjal. Har plagdi Einar Hentze, bátasmiður, at smíða bátar.
Ætlanin við hesum bæði sjáldsama og spennandi tiltakinum er, at fólk skulu síggja, hvussu bátur varð smíðaður. T.d. bygdarfólkið, fólk í oynni, skúlaflokkar, ferðafólk, og annars øll, sum hava áhuga, skriva fyriskiparar m.a.
Skráin fyri tiltakið:
- Dagbjørn Hansen bjóðar vegna fyrireikararnar vælkomin og greiðir frá verkætlanini.
- Jóan Pauli Joensen, fólkalívsfrøðingur, hugleiðir um føroyska róðrarbátin.
- Kristina Djurhuus Christiansen, savnsvørður á Tjóðsavninum, greiðir frá um føroyska bátin á UNESCO listanum.
- Heini F. Petersen, fyrireikari og rithøvundur, greiðir frá um bátasmíð í Sandavági.
- Felagssangur, kaffi, te og okkurt søtt.
- Sámal Ravnsfjall framførir nøkur løg.
- Bók um bát og bátasmíð verður til keyps.
Vinarliga broyt tínar kennifíla - og privatlívsstillingar fyri at síggja hetta innihald