Beinir beinleiðis í DR leygarkvøldið

Í ár verður danska grundlógin 175 ár, og í tí sambandi skipar Danmarks Radio fyri beinleiðis sjónvarpssending við felagssangi av Christiansborg leygarkvøldið 1. juni kl. 19 til 20 føroyska tíð.

Kendir danskir sangarar og tónleikarar fara at spæla løg, sum øll kenna og duga at syngja.

Føroyski Beinir er ein teirra, sum fer at spæla á Christiansborg leygarkvøldið. Vertir í sendingini verða Katrine Muff og Johannes Langkilde, sum síðan 2021 hava skipað fyri sendingini “Fællessang – hver for sig” á DR.