Betongið spilt - blokadan tænti endamálinum

Eini 80 fólk hava í allan dag staðið verkfallsvakt hjá byggifyritøkunum Articon og J&K Petersen á Hjalla og forða fyri, at blandibilar sluppu at taka upp, tað sum tey meta sum verkfallsrakt arbeiði.

Hetta hevur verið lutfalsliga ódramatiskt í morgun, men klokkan 13 eydnaðist einum bilførara at bróta blokaduna, tá hann koyrdi móti verkfallsvaktunum.

Verkafólk skriva, at verkfallsvaktirnir fingu flutt seg.

Sambært fakfeløgunum var betongið í bilinum longu spilt, og varð beint burtur á Gomlurætt.

- So blokadan hevur tænt sínum endamáli, siga verkafólk.

Feløgini hava fráboðað málið til løgregluna.