Betri Banki sagt fimm fólkum úr starvi

Betri Banki hevur í dag sagt fimm fólkum úr starvi. Tað visti tíðindaportalurin vp.fo at fortelja í morgun.

Jean Djurhuus, bankastjóri, sigur við útvarpið hjá Kringvarpinum, at tað er broyttur eftirspurningur eftir tænastunum hjá bankanum, sum er orsøk til, at minkað verður um starvsfólkini.

- Atferðin hjá kundunum er broytt og harvið eisini eftirspurningurin, segði Jean Djurhuus við útvarpið.

Orsaka av hesum, eru upplatingartíðirnar á kassadeildunum eisini styttar, og tí er ikki sami tørvur á arbeiðsfólki, sigur bankastjórin.