Bilar stóðu fastir á Gøtueiði

Í nátt hevur verið hált, og nógvir bilar hava staðið fastir á Gøtueiði.

Av løgreglustøðini verður upplýst, at frá midnátt til klokkan umleið trý fingu tey eini 50 fráboðanir frá bilførarum um, at teir ikki fingu koyrt.

– Landsverk fór ikki út at salta fyrr enn klokkan fimm, so har hava staðið rættiliga nógvir bilar í nátt, sigur vaktleiðarin á løgreglustøðini í Havn.