Bilur endaði á liðini

Í gjárkvøldið var eitt ferðsluóhapp í Kollafirði, har ein bilur koyrdi út av vegnum og endaði á liðini.

Tað er ikki greitt, hví óhappið hendi, men blóðroynd er tikin av bilføraranum fyri at finna útav, um hann kann hava verið ávirkaður, sigur vaktleiðarin á løgreglustøðini í Havn.

Vaktleiðarin leggur afturat, at fólkini í bilinum ikki høvdu nakran sjónligan skaða.

Annars hevur seinasta samdøgrið verið rættiliga friðarligt.

Løgreglan skrásetti tó eitt ferðslumál seinnapartin í gjár, tá ein bilførari varð tikin fyri at koyra framvið reyðum ljósi á Marknagilsvegnum í Havn. Tað fær hann bót og klipp fyri.