Bilur fór av vegnum í Miðvági

Seinnapartin í gjár kom fráboðan um, at ein bilur var farin út av vegnum í Miðvági.

Talan var um eitt sonevnt soloóhapp. Tað var bert bilførarin í bilinum, tá óhappið hendi.

Vaktleiðarin á løgreglustøðini sigur, at bilurin bóltaði runt, tá hann var farin av vegnum.

Hjálp kom á staðið, og bilførarin varð fluttur á Landssjúkrahúsið til kanningar. Har varð staðfest, at viðkomandi ikki hevði fingið nakað nevnivert kropsligt mein av hendingini.