Bilur fór í knús

Eitt ferðsluóhapp var seinnapartin í gjár í Trongisvági tá ein persónbilur og ein treylari stoyttu saman.

Vaktleiðarin á løgreglustøðini í morgun upplýsir, at persónbilurin koyrdi út fyri treylaran. At síggja til var eingin fólkaskaði, men báðir bilførararnir kortini vórðu fluttir á sjúkrahúsið á Tvøroyri.

Persónbilurin fór rættiliga illa og gjørdist vrak. Treylarin fekk nakað av skaða.