Sverri Egholm
Tvey ferðsluóhapp vóru í Havn í gjár. Í nógva regninum gjáramorgunin var ein bilur sum kom koyrandi gjøgnum ferðsluljós í miðbýnum, men í einum svingi rakti hann eitt fólk, sum var á veg tvørtur um vegin eftir gonguteiginum.
Tíbetur stóðst lítil og eingin persónsskaði av hendingini, men perónurin var kortini koyrdur á Landssjúkrahúsið til kanningar.
Hóast sýnið var sera ringt í nógva regninum, hava bilførararnir treytaleysa víkiskyldu í hesum førinum, og tí missir bilførarin koyrikortið treytað.
Harmonikusamanstoytur
Í gjárkvøldið var aftur ferðsluóhapp í Havn og tríggir bilar vóru íblandaðir. Hetta var eisini í miðbýnum har bilarnir koyra við lítlari frástøðu.
Tann fremsti bilurin bremsar, og síðani klára fyrsti og annar bilurin aftanfyri ikki at bremsa og allir tríggir enda tí í samanstoyti.
Teir báðir bilførararnir aftaru bilunum fáa klipp ikki at hada neyðuga frástøðu.
Vinarliga broyt tínar kennifíla - og privatlívsstillingar fyri at síggja hetta innihald