Bilur rullaði á sjógv

Á middegi í gjár var ein bilførari sera óheppin, tá hann skuldi parkera bilin.

Maðurin hevði sett bilin niðri á Støð á Glyvrum, og var síðani farin frá bilinum. Men skjótt fekk hann at vita frá øðrum, at bilurin var farin á rull og var endaður á sjónum.

Vakthavandi á politistøðini sigur, at maðurin  varð vístur til tryggingina, og at bilurin var fingin upp aftur.