Bilur út av vegnum við Hvannasund

Eitt ferðsluóhapp hendi í morgun við landsvegin norðan fyri Hvannasund.

Ein bilur, sum kom úr tunellini á veg suðureftir, kom út í grúsið í vegjaðaranum, og førarin misti tamarhaldið á bilinum, sum rendi út av vegnum.

Ongin mansskaði hendi, bert skrokkskaði á bilin, upplýsir vaktleiðarin hjá løgregluni.

Í dag hevur løgreglan verið í Eysturoynni og gjørt eitt miðvíst átak móti brúki av fartelefonum meðan koyrt verður í bili. Tvey mál vórðu skrásett, verður sagt av politistøðini.