Blinken og Xi hittast

Amerikanski uttanríkismálaráðharrin, sum er á vitjan í Kina, hevur í dag hitt kinesiska forsetan, Xi Jinping í Beijing.

Hetta er fyrstu ferð síðan 2018, ein amerikanskur uttanríkismálaráðharri hittir ein kinesiskan leiðara, skrivar Reuters.

Áðrenn ferðina hjá Blinken var tað ikki váttað, at hann skuldi hitta kinesiska forsetan, og kann hetta tí síggjast sum eitt tekin um, at vitjan hansara, sum byrjaði í gjár, higartil hevur gingið væl, skrivar ameirkanski miðilin CNBC.

Blinken hevur m.a. hitt kinesiska uttanríkismálaráðharran Qin Gong og diplomatin Wang Yi, og kunnu fundirnir væntandi slóða fyri, at Xi Jinping og amerikanski forsetin, Joe Biden kunnu hittast í november.

Vitjanin hjá Blinken í Kina endar í dag.

Les eisini: Skulu hittast aftur í Washington

Dagførd kl. 10.18