Breyt beinið umborð á føroyskum uppisjóvarskipi

Ein maður breyt í gjár beinið, meðan hann var umborð á einum føroyskum uppisjóvarskipi.

Hetta upplýsir Vørn á heimasíðu sínari

Skipið var í íslendskum sjógvi, tá hendingin fór fram - 120 fjórðingar úr Langanesi. Tað verður ikki nágreinað, júst hvussu óhappið hendi.

Neyðugt var við tyrlu. Ein íslendsk bjargingartyrla kom á staðið.

Fyrst varð maðurin flutur til Egilstaðir og síðani til Reykjavíkar fyri at fáa viðgerð.