Innanlands

Breyt kunngerðina á fyrsta degi

Eitt matstað í Eysturoynni hevði fríggjadagin opið til á midnátt, hóast nýggj kunngerð krevur, at tey skulu steingja klokkan 23

(Savnsmynd)

(Savnsmynd)

2020-08-08 10:24 Author image
Alda Nielsdóttir
placeholder

Tað var hósdagin, at landsstýrismaðurin í umhvørvis- og vinnumálum, Helgi Abrahamsen, lýsti kunngerð um, at matstovur og skeinkistøð nú skulu steingja klokkan 23, og longu á fyrsta degi var ein matstova, sum ikki aktaði boðini.

Í sambandi við nýggju kunngerðini hevur løgreglan verið runt og kannað, um nýggja  kunngerðin varð hildin, og beint fyri midnátt komu tey fram á eitt matstað í Eysturoynni, sum enn var opið.

Eigarin av staðnum er nú skuldsettur fyri brot á nýggju kunngerðina. Viðkomandi fær helst eina bót, sigur vaktleiðarin á politistøðini.

Kunngerðin kom í gildi í gjár, fríggjadagin 7. august, og verður hon galdandi fram til 31. august.

placeholder
placeholder