Breyt rútin til matstovu

Løgreglan arbeiðir í dag víðari við einum herverksmáli, sum varð fráboðað um hálvgun áttatíðina í gjárkvøldið.

Tað var ein matstova/take-away-stað í Havn, sum boðaði frá at ein lítil rútur var brotin.

Vaktleiðarin á løgreglustøðini sigur, at tey hava eina ábending um hvør gerningsfólkið kann vera, og at tey arbeiða víðari við málinum í dag.

Annars hevur seinasta samdøgrið verið friðarligt hjá løgregluni.