Bussleiðin í høvuðsstaðnum dagførd

Nú arbeiðið á Landavegnum er liðugt, eru broytingar gjørdar á leið 2 og leið 4 hjá Bussleiðini hjá Tórshavnar kommunu, og um vikuskiftið varð nýggj ferðaætlan tikin í brúk.

Broytingarnar eru hesar:

• Leið 2 koyrir ikki eftir ovara parti av Velbastaðvegnum, men koyrir eftir Landavegnum, Heygsvegnum, niðara parti av Velbastaðvegnum, eftir J.C. Svabos gøtu og heim í býin.
• Leið 4 koyrir ikki longur niðan eftir Dalavegnum út til Glasir, men koyrir eftir Jóannesar Paturssonar gøtu, Landavegnum til Glasir.
• Bæði leið 5, (sum ikki koyrir í summarfrítíðini), leið 6 og leið 8, koyra nú eftir Landavegnum.

Dagførd ferðaætlan við minutttølum til hesar báðar leiðirnar sæst her. Hon liggur eisini á heimasíðuni hjá Tórshavnar kommunu. 

Eftir summarfrítíðina verða dagførdar ferðaætlanir settar upp úti við busssteðgistøðini, sigur kommunan.