Býbussur og persónbilur rendu saman

Ein persónur varð koyrdur á skaðastovuna á Landssjúkrahúsinum til kanningar eftir eitt ferðsluóhapp í Havn seinnapartin.

Óhappið hendi í krossinum Velbastaðvegur/Heygsvegur beint fyri klokkan 17, tá ein persónbilur og ein av býbussunum rendu saman.

Vakthavandi á løgreglustøðini veit í løtuni ikki hvussu óhappið hendi. Løgreglan arbeiðir við málinum.

Persónurin, sum var koyrdur á landssjúkrahúsið sat í persónbilinum.

Ferðslan var nakað tarnað eina løtu, men býarbussurin kundi koyra víðari, og persónbilurin, sum fekk meira skaða, varð fluttur soleiðis at ferðslan kundi koyra ótarnað eftir eina løtu.