Dalstunnilin skotin ígjøgnum í november

Nú restar ikki nógv í, at skotið verður í gjøgnum í Dalstunlinum.

In.fo skrivar, at bara 230 metrar eru eftir at bora, og at um gongur alt væl, verður Dalstunnilin skotin ígjøgnum tíðliga í november.

Dalstunnilin verður 2.200 metrar langur umframt vegir í Húsavík og í Dali.

Fyrsta skotið varð latið av 4. november 2020, og tað varð Vilhelmina Larsen, sála, sum trýsti á knøttin.