Deyðsvanlukka í Tjørnuvík

Stutt eftir klokkan hálvgum tíggju í morgun fekk løgreglan eina fráboðan um eina vanlukku nærindis Tjørnuvík.

Talan var um ein mann, sum var omandottin, tá hann saman við øðrum var farin á fjall í morgun.

– Eingin sá, tá maðurin datt, men hinir varnaðust brádliga, at hann var burtur, og tá tey leitaðu, funnu tey hann longur niðri, sigur vaktleiðarin á politistøðini.

Boð vórðu send eftir tyrluni, og bjargingarfólkini varnaðust skjótt, at maðurin var deyður. Hann varð síðani fluttur á Landssjúkrahúsið til líkskoðan.

Maðurin var um 60 ára aldur.

Tað var í økinum, ið er markerað við reyðum, at maðurin datt oman (Mynd: Pól Sundskarð)