Duga ikki at brúka rundkoyringina

Løgreglan var í gjár og gjørdi ferðslukanningar í Saltangará, á Glyvrum og í Runavík, og tað vísti seg ikki at vera til fánýtist.

Í heldur serstøku rundkoyringini á Gerðisvegi í Saltangará vóru tveir bilførarar, sum snaraðu til vinstru heldur enn at koyra til høgru sum man vanliga vildi gjørt í einari rundkoyring. At koyra ímóti ferðsluni gevur í hesum førinum klipp í koyrkortið.

Bilar vóru eisini steðgaðir og í trimum førum høvdu bilførarar ikki koyrkort uppi á sær. Tveir bilførarar tosaðu í telefon undir akstri og ein koyrdi við píkum hóast freistin at sleppa sær av við píkarnar er 15. mai.