Ein bilførari tikin í nátt

Ein bilførari í høvuðsstaðnum bleiv í nátt tikin fyri rúsdrekkakoyring.

Tað var beint fyri klokkan tvey í nátt, at bilurin varð steðgaður, og vísti tað seg, at førarin var sjónliga ávirkaður.

Men ikki nokk við tí, so fær hann eisini eina bót fyri at koyra í frádømingartíðini. Viðkomandi hevur nevniliga mist koyrikortið.

Eitt er at koyra uttan koyrikort, men at koyra í frádømingartíðini gevur eina harðari revsing, sigur vaktleiðarin á løgreglustøðini í Havn.