Ein føroyingur smittaður seinasta samdøgrið

Tað eru nú í alt 184 føroyingar, ið hava fingið staðfest korona-smittuna. Hetta byggir á í alt 5.035 kanningarúrslit.

Sostatt er ein persónur staðfestur smittaður afturat hetta seinasta samdøgrið.

Tað upplýsir Landslæknaembætið í morgun, nú seinastu kanningarúrslitini eru tøk.

Í løtuni eru 120 føroyingar staðfestir frískir, eftir at hava fingið staðfest koronasmittuna. Hetta er 13 fleiri enn í gjár.

Tveir persónar er innlagdur á Sjúkrahúsverki Føroya í sambandi við coronasmittuna.