Ein nýggjur tilburður staðfestur í gjár

Ein nýggjur tilburðir av koronasmittu varð staðfestur í gjár, vísa nýggjastu tølini hjá Landslæknanum.

Talan er um ein persón, sum er smittaður í Føroyum, og smittuketan er ókend. Viðkomandi er avbyrgdur, og Landslæknin er í gongd við neyðugu smittusporingina, upplýsir Heilsumálaráðið.

Tilsamans hava 431 persónar fingið staðfest smittuna í Føroyum. 412 persónar eru staðfestir frískir aftur, og sostatt eru 19 persónar smittaðir í løtuni.

Eingin er innlagdur á Sjúkrahúsverki Føroya í samband við smittuna í løtuni.

114.435 kanningar eru nú gjørdar, og 59 fólk eru í sóttarhaldi.