Eingin nýggjur tilburður seinasta samdøgrið

Síðan 1. september eru 17 tilburðir av koronasmittu staðfestir í Føroyum. Seinasta samdøgrið er tó eingin tilburður lagdur afturat.

650 kanningar vórðu gjørdar í gjár, og vóru tær allar negativar.

Støðan er framvegis tann, at 428 fólk hava fingið staðfest smittuna í Føroyum, og at 412 teirra eru staðfest frísk aftur. Talið á fólki, ið er smittað í løtuni er sostatt óbroytt – 16.

Seinasta samdøgrið eru tvey fólk afturat farin í sóttarhald, og eru nú tilsamans 59 fólk í sóttarhaldi.

111.238 kanningar eru nú gjørdar tilsamans.