Eingin smitta í beint yvir 1.000 koronakanningum í gjár

Eingin smitta varð staðfest í gjár, og harvið er hetta fimti dagur upp í slag uttan nýggja smittu. 

Hesum boðar Heilsumálaráðið frá.

1.011 kanningar vórðu gjørdar kring landið í gjár, og samanlagt eru 89.790 kanningar gjørdar í Føroyum.

411 persónar hava fingið staðfest smittuna í Føroyum. Í alt eru nú 357 persónar staðfestir frískir aftur, og sostatt eru 54 persónar smittaðir í løtuni.

Tveir persónar eru í løtuni innlagdir á Sjúkrahúsverki Føroya í samband við koronasmittuna. Eingin liggur á intensivari deild.