El-bilaparkin nærkast einum prosenti

1. september í ár vórðu skrásettir 237 el-persónbilar í Føroyum. Sostatt er ravmagnsbilaparkin í ár vaksin við 62 persónbilum síðan ársskiftið.

1. januar vóru 175 el-drivnir persónbilar skrásettir í Føroyum, svarandi til 0,67 prosent av samlaðu persónbilabarkini. 1. september er lutfallið av persónbilum við ravmagnsmotori vaksið til 0,90 prosent.

Umframt 237 persónbilar eru eisini onnur akfør við elektriskum motori. 1. september vóru hartil 26 prutl (3 fleiri enn á nýggjárinum), 12 vøruvognar (+4), 1 hýruvognur (-1) og 1 bussur (+1).

Kelda: Akstovan