Eldsbruni á Vaðhorni á Hulki

Klokkan 10:58 í gjár kom fráboðan á løgreglustøðina um eld í virkinum hjá Vaðhorn á Hulki á Strondum.

Tað vísti seg ikki at vera talan um stóran eld, men um eld í einari slangu til nakrar gassfløskur. Sløkkiliðið kom skjótt á staðið, og fekk sløkt eldin og kølt hesar gassfløskurnar, so einki meira hendi.

Eingin mansskaði stóðst av eldinum, upplýsir løgreglan.

Bruna- og arbeiðseftirlitið var fráboðað.