Eldur kom í maskinrúmið á Norrønu

Seinnapartin í dag fekk Norrøna roykalarm úr maskinrúminum. Hetta hendi meðan skipið lá við bryggju í Seyðisfirði.

Hesum boðar Smyril Line frá í stuttorðaðum tíðindaskrivi seinnapartin.

Manningin fekk beinanvegin tamarhald á eldinum, sum kom frá einum hjálpimotori. Ongin mansskaði stóðst av hendingini og tey fáu ferðafólkini sum vóru umborð vórðu evakueraði í land.

Maskinrúmið verður nú luftað út og síðani verður støða tikin til umvæling og sigling.