Emma og Andrias skulu í føðingardag

Síðst í august mánað varð boðað frá, at fleiri enn 200 ung úr øllum ríkinum verða boðin við í 18 ára føðingardag hjá Christian prinsi 15. oktober, harav tvey ung úr Føroyum.

Í hesum sambandi sóknaðist Løgmansskrivstovan eftir einari gentu og einum dreingi, sum kundu hugsað sær at farið við, og í dag var trekt lut millum øll, sum høvdu søkt.

Tey hepnu eru Emma Bech Christiansen (Argir), og Andrias Garðsá (Tórshavn).

Í alt komu 149 umsóknir frá 92 gentum og 57 dreingjum, skrivar Løgmansskrivstovan.