Enn ein nýggjur tilburður

Ein nýggjur smittutilburður varð staðfestur í gjár, vísa nýggjastu tølini hjá Landslæknanum.

Tann smittaði er avbyrgdur, og Landslæknin er í gongd við smittusporingina.

Í gjár vórðu 1.069 kanningar gjørdar, og allar kanningarnar eru liðugt greinaðar. Tilsamans eru 136.959 kanningar nú gjørdar í Føroyum.

477 persónar hava nú fingið staðfest smittuna í Føroyum, og av teimum eru 456 persónar staðfestir frískir aftur. Sostatt eru 21 persónar smittaðir í løtuni.

Eingin er í løtuni innlagdur á Sjúkrahúsverki Føroya. 101 eru í sóttarhaldi.