Innanlands

Eydnaðist at seta drekan út – Men hann mátti takast upp aftur

Í sambandi við verkætlanini á Vestmannastundi, boðar SEV frá, at tað hevur eydnast Minesto at liðugtgera undirsjóvarinfrakervið og infrakervið á landi

Fyrsti drekin hjá Minesto eitur Havfrúgvin (Mynd: SEV)

Fyrsti drekin hjá Minesto eitur Havfrúgvin (Mynd: SEV)

2020-07-30 14:40 Author image
Alda Nielsdóttir
placeholder

Í sambandi við verkætlanini á Vestmannastundi, hevur tað eydnast Minesto at liðugtgera undirsjóvarinfrakervið og infrakervið á landi, boðar SEV frá.

Eisini eydnaðist tað at seta drekan út í Vestmannasund í vikuni, men mekaniskir trupulleikar við sjálvum festinum millum drekan og fundamentið hevði við sær, at arbeiðið ikki kundi gerast liðugt, og drekin er tikin upp aftur.

[object Object]Vestmannasund (Mynd: Pól Sundskarð)

Kaðalin, sum skal føra elorkuna inn á land, er lagdur og bundin í transformarastøðina á Oyrargjógv, soleiðis at samband nú er millum orkuverkið í sundinum og føroyska elnetið. DG100 drekin er tikin upp aftur, so arbeiðast kann við at rætta brekið við tjóðurskipanini, áðrenn hann verður settur útaftur, skrivar elfelagið á heimasíðuna.

– Vit hava gjørt okkum enn fleiri týðandi royndir við undirsjóvarinstallatiónum, sleipingarvirksemi og tilseting av orkuverki, og í at fáa útgerðina upp aftur. Helst vildu vit sjálvsagt verið í framleiðslu nú, heldur enn framvegis at arbeiða við fyrireiking og installatiónsvirksemi, men hvørt einasta fet fram ímóti elframleiðslu inn á netið er týðandi framstig, sigur Dr. Martin Edlund, forstjóri í Minesto.

So skjótt brekið er rættað og rákið loyvir tí, verður ein nýggj roynd gjørd.

– Arbeiðið fram móti elframleiðslu úr sjóvarfallinum í Føroyum hevur fremstu raðfesting hjá Minesto, sigur hann.

placeholder
placeholder