Tíðindaskriv
Krists himmalsferðardag klokkan 12 verður felags gudstænasta í høllini inni í Dal á Sandi. Havstein Klein prestur prædikar. Gudstænastan verður hildin í sambandi við fótbóltsmarathon, sum B71 skipar fyri.
Gøtu kirkju ungdómskór syngur undir leiðslu av Símuni Hammer. Kórið hevur luttikið í fleiri kappingum bæði í Føroyum og uttanlands, og hevur staðið seg væl.
Tónleikarar undir leiðslu av Ingmari Berg Mikkelsen spæla undir til felagssangin.
Konfirmantar luttaka við upplestri. Gentur úr 8. flokki í Sandoyar Meginskúla hava gjørt altartalvu, sum verður avdúkað til høvið.
Høgni Reinert Hansen, ljóðtøkningur, hevur tikið upp ljóðið av kirkjuklokkum í øllum prestagjaldinum. Hesar upptøkur verða at hoyra undir gudstænastuni, hvussu tær hava hvør sín dám og ljóm. Í meðan síggjast myndir av kirkjunum, sum ljóðið er frá.
Høvi verður at keypa brunsj frá kl. 10 til 11.30 og suppu eftir gudstænastuna.
Vinarliga broyt tínar kennifíla - og privatlívsstillingar fyri at síggja hetta innihald